Minggu, 16 Oktober 2011

kumpulan pantun - pantun anak minang



salam dari kami anak-anak minangkabau...

Rumah Gadang maimbau pulang.....
tanah rantau manahan hati.....
sakik jo sanang nan ka di tangguang.....
Jiko salah talampau gadang.....
maaf dipinto satulus hati.....
dek umua ambo baru sa umua jaguang.....

batusangka kota budaya .
singgah sabanta makan pangek .
alah panek awak bagaya .
tapi indak dicaliak-caliak .

cibadak badakak-dakak .
mantimun batali-tali .
ko paruik alah litak .
apo nan ka dibali .

Ninja banamo pandeka japang...
Saolin banamo pandeka di cino...
Di denai cinto ka adiak surang...
Tapi dek adiak babagi duo...

Duo tigo kuciang balari,
ampek limo tatungkuik tacilantang,
Anam tujuah nyo mangeak,
Lapa sambilan sapuluah sabaleh duo baleh tigo baleh dst..

ko rimbo parak awak
kalao samak tolong siangi
kok kayo dunsanak awak
kok bansaek haram di silau nyo

Anak ikan dimakan ikan
Ikan tenggiri di dalam lauik
Sanak bukan sudaro bukan
Dek cinto hati tapauik

Buruang alang tabang kalauik
Tibo dilauik manangkok ikan
Alah lamo denai bamukasuik
Baru kini tasampaikan

Kayu banamo kayu surian
Nan tuo tolong ditabang
Untuak pambuek lamari
Sabana malang untuang badan
Awak tacinto dipunyo urang
Sinan bamanuang surang diri

kalapau mari kalapau
kalapau mambali kopi...
bagurau mari baguarau..
bagurau sampai pagi...!

layang2 simalin deman
bari baikua bakapalo
tabang tinggi diawan biru
lalu kapatabang disangkuiknyo

disayang2 kajadi pamenan
cari saukua kaadaanyo
sadang dihati manggabubu
tibo diurang dirangguiknyo..

iko timun bukan sambarang timun..
iko timun dari lahat..
iko pantun bukan sambarang pantun..
iko pantun dari sahabat..!

kalambau basiang padi..'
padi ditanam urang talago..
hari nan sadang pukuah satu..
bagurau panyanang hati.'.
hati didalam sadang hibo...
hati nan luko dek sambilu

abiek salai daun dulang.
daun d ambiek peti .
lai dnai nan dak ka pulang.
dk hiduik den sulik rajaki.

basalah mangko basabab............
usah sanak ba ibo hati...........
nan garah ka di ajab-ajab..........
nan andia ka di lantuangi...........

samuik karanggo diateh karambia
muncuang mangango salemo mailia.

Baliku jalan kelok sambilan...
Kelok baliku ateh sampai kabawa...
Bara kaibo nyo untuang badan...
Kawan lah pai Awak lah tingga...


limau manih tapi tabek
jatuah ciek tibo d rantiang
awak manih gigi tajungkek
kama pae d salak anjian

bukittinggi di linkar bkit,
bukit d lingkar kayu jati.
Kasih sayang bukan sedikit
dari mulut sampau kehati

pak camat duduak mancangkuang..
tampak tigo nan tabuduang..
duo tomat ciek taruang..
lah sato pulo si bulu jaguang

Luruih jalan kabatu sangka
singgah sbnta dipagaruyuang
dn sangko adiak manggata
kro nyo nda tau diuntuang

bialah pandan denai tinggakan
pandan lah lapuak dalam sawah
bialah badan bajauahan
asakan dihati indak barubah

taragak bana makan samba randang,
tp jauah tmpe mbali nyo,
taragak bana pnyo pacar urang padang,
tapi urang jawa nan basuo ..

Den sangko pneh ka sampai sanjo,
kironyo hujan di tangah hari,
den sangko adiak sabana cnto,
kironyo adiak maungkia jnji.

Ungkai usah sumbarang ungkai
kok taungkai janji nan lamo
pakai usah sumbarang pakai
kok tapakai barang mintuo....

rumah gadang madok kailia.....
 ampangan anyuik dilubuak pua......
 kantuik badatang kanciang balasia.....
 ondoh pondoh cirik kalua.....

Di sangko rumah gadang madok kamudiak
kironyo rumah gadang madok ka ilia
di sangko lah gadang mangko cadiak
kironyo batambah gadang mangko ka pandia

Rokok tembakau rokok ranggaek
Urang rantau den pai ciek

Batang anau tagaknyo miriang
tatahan dek batang jambu
ambo nan dirantau sadang paniang
sabab dek galeh indak laku

aie tajun d lembah anai,
kelok sembilan dipayokumbuah.
ambo bapntun nan alun pandai,
mintak ajaan dek urang jauah.

Karimbo dihari sanjo
sobok baruak balang kaki
mangkok ambo muncul disiko
handak maubek galau dihati

anak ayam makan gulo-gulo …
 anak kanciang geleng-geleng kapalo…
salam kenal dari ambo…
untuak dunsanak kasadonyo

buruang balam tabang karimbo
masuak samak dalam jurangnyo
sambah salam dari ambo
untuak dunsanak kasadonyo

musajik d ateh bukik
ba kunci jo kuro-kuro....
ba'a urang ka sumbayang pintu takunci
sialah nan punyo karajo

Bareh solok bareh tanamo
ditanak ulam pario
nak mudo rang solok suku chaniago
rato-rato gagah urangnyo

bareh solok bareh tanamo
ditanak urang di dlm dandang
nak gadih rang suku chaniago
sanang hati lo awak mamandang

Bareh solok bareh tanamo,,
di simpan urang dalam lumbuang,,
lah rancak kamek pulo,,
tapi sayang alun balaki lah manganduang,,,,

Bareh solok bareh tanamo..
Dipagatok ulam pario
suku chaniago suku tanamo
dan lah terkenal diman-dimano.

Dari bukik tinggi taruih kabaso
tibo dibaso mancaliak randai
mancari bini cari lah jando
ibarek maracak kudo pandai

tumbuah salibu d rumpun padi...
samak dek ilalang nan jo banto...
Lah lusuah rindu di badan diri...
Dek sanak sasa di ujuang cinto

Sadang malepoh,,
sagaleh kopi,,
sadang maonggoh,,
lampu mati,,

Painan jo batang kapeh...
Ka tigo nan jo balai salasa...
Di sinan tido ba uleh....
Di siko arek2 lungga.....

anak sipasan di dalam rimbo
mti digolek-golek batang
kok lah tajua pisang ambo
balikanlah rokok sbatang

19 komentar:

  1. thanks y atas berbaginya,,, izin ngopi..:)

    BalasHapus
  2. Mantap Pantunnyo Sanak ,,, Izin Ngopi .. :D

    BalasHapus
  3. Tambah ciek sanak

    Jiko dapek aka di hulu
    Campak an dalam samak
    Aliah gala aliah suku
    Pabini dunsanak

    Tapi jan nan kontan 😁😁😁

    Bukan salak nan maranjau
    Sari dewa dalam rimbo
    Bukan rancak adiak nan mamukau
    Rambuik bonding tu nan mandayo

    Sekian tarimo kasi

    BalasHapus
  4. Tambah ciek sanak

    Jiko dapek aka di hulu
    Campak an dalam samak
    Aliah gala aliah suku
    Pabini dunsanak

    Tapi jan nan kontan 😁😁😁

    Bukan salak nan maranjau
    Sari dewa dalam rimbo
    Bukan rancak adiak nan mamukau
    Rambuik bonding tu nan mandayo

    Sekian tarimo kasi

    BalasHapus
  5. YO MANTAP

    DISANGKO BULEK BUAH NIPAH
    KIRONYO TIGO PARASAGI
    DAUN MARAOK KAHALAMAN
    DICALIK LIPEK TAK BARUBAH
    DIKAMBANG RAMUK TIOK RAGI
    KAIN LAH LAPUK DILIPATAN

    BalasHapus
    Balasan
    1. Kilek baliuang lah ka kaki
      Kilek camin lah ka muko
      sajak nan kanduang kini lah pai
      tarumuak badan mambao sansaro

      Hapus
  6. Maaf admin, dek lamak bana mambaconyo, lah tadoroang pulo mambuek pantun.. Kok salah tangan manulih ridha jo maaf ambo pinta,...

    BalasHapus
  7. Komentar ini telah dihapus oleh pengarang.

    BalasHapus
  8. Iyo sabana mangkilek ma sanak...

    BalasHapus
  9. Sato ciek sanak

    Kaladang kito kaladang
    Kaladang manakiak gatah
    Lah lamo kito ndak pulang
    Hiduik dirantau nan sadang payah

    BalasHapus
  10. Ka ladang mananam lado
    Lado di tanam hari la patang
    Assalamualaikum dari ambo
    Ambo anak ketek baru ka gadang

    BalasHapus
  11. Tak pandai awak bahasa padang..🙏🙏🙏

    BalasHapus
  12. Sakikih tabang malayok
    Inggok di banto pasamayan
    Manangih kumbang mintak inggok
    Bungo ta cinto balarangan

    BalasHapus
  13. Rumah gadang maimbau pulang
    Tanah rantau manahan hati
    Jikok salah talampau gadang
    Mohon maaf lahir jo batin..

    BalasHapus